विद्यालयको प्रमुख दायित्व भनेको बालबालिकाहरुलाई समाजमा असल नागरिक भएर जिउनको लागि आवश्यक ज्ञान ,सिप प्रदान गर्नु हो । यसका लागि स्थानीय सरोकारवालाहरुको सकृय सहभागिता एवं संलग्नता आवश्यक पर्दछ । स्थानीय तहमा उपलब्ध श्रम , स्रोत र साधनको अधिकतम प्रयोग एवं प्रभावकारी ब्यबस्थापनद्धारा विद्यार्थीको सिकाई उपलब्धीमा गुणात्मक सुधार ल्याउनु र विद्यालयलाई सामुदायिक विकास केन्द्र बनाउनु विद्यालय सुधार योजनाको प्रमुख उद्देश्य हो ।
आगामी दिनमा यस विद्यालयले सुविधा सम्पन्न नीजि विद्यालयसँग प्रतिस्पर्धा गर्दै शैक्षिक गुणस्तरको सवालमा आफूलाई अब्बल सावित गर्नुपर्ने प्रष्ट छ । यसै गरी नेपाल सरकारको नीति अनुरुप माध्यमिक संरचना भित्र आईपुगेका कक्षा ११ र १२ लाई पनि आफू भित्र समाहित गर्ने लक्ष्य राखेको छ ।साथै शिक्षणमा सुचना प्रविधिको प्रयोग गर्ने योजना वनाएको छ । त्यसै गरी बालमैत्री र प्रविधि मैत्री शिक्षण, व्यवहारिक र व्यवसायिक शिक्षा समावेश गर्ने, भौतिक पूर्वाधारको विकास गरी कक्षा ११ र १२ सञ्चालन गर्ने जस्ता स्पष्ट दृष्टिकोणका साथ अगाडि जाने लक्ष्य लिएको छ ।