संस्थागत विद्यालय प्रति आकर्षण बढीरहेको वर्तमान अवस्थामा सार्वजनिक विद्यालयलाई गुणात्मक बनाउन अत्यन्त चुनौतिपूर्ण छ तर पनि यो चुनौति सामना गर्न विद्यालय हालसम्म सक्षम बनेको छ । प्रायःजसो दूरदराजबाट निम्नवर्गीय र यस क्षेत्रका निम्न स्तरका विद्यार्थी पढ्ने सामुदायिक विद्यालयले उत्पादन गरेका विद्यार्थीहरु उच्च शिक्षामा निजि विद्यालयबाट उत्पादित विद्यार्थीसँग प्रतिस्पर्धा गर्नुपर्ने वाध्यता छ । यस्तो अवस्था विद्यार्थीहरु प्रतिस्पर्धी बन्न सकुन भन्ने उद्देश्यले यस विद्यालयमा कक्षा १ देखि ८सम्म थपअंग्रेजी विषयको पठन पाठन गर्नुका साथै अन्य कक्षाहरुमा अतिरिक्त विषयहरु गणित, विज्ञान,जि.के. आदी विषयहरु अध्यापन गराउने व्यवस्था गरेकोमा प्रत्येक वर्ष यस कार्यक्रमलाई निरन्तरता दिने योजना निर्माण गरी कार्यान्वयन तर्फ अघि बड्दै छौं । आजको २१ औं शताब्दीको युग सूचना र प्रविधिको युग भएको हुँदा यस विद्यालयमा अध्ययनरत विद्यार्थीहरुलाई कोरा कितावी ज्ञानले मात्र पुग्दैन भनि कम्प्युटर र नेटको ज्ञान दिने लक्ष्य अनुसार केहि थान कम्प्युटर खरिद गर्ने उद्देश्य राखिएको छ ।साथै यस विद्यालयमा विद्यार्थीका लागि आवश्यक भौतिक पूर्वाधारहरु (भवन ,डेक्स ,बेन्च ,शौचालय , खानेपानी , पुस्तकालय ,विज्ञान प्रयोगशाला आदि ) आवश्यकता अनुसार निर्माण गर्दै गएका छौं। साथै यस विद्यालयले २०६४ साल देखि खुला विद्यालय अन्तर्गत मा.वि. र नि.मा.वि.दुबै तर्फको कक्षा समेत संचालन गर्दै आएको छ । यस विद्यालयमा २ वटा पक्की र ३ वटा ट्रस्ट समेत १३ वटा कोठा , एउटा हल र शौचालय छन् यस विद्यालयमा करीब २५२ जना छात्र ÷छात्रा अध्ययनरत हुनुका साथै ३ जना कर्मचारी र २० जना शिक्षक रहेको छ ।